ശരിക്കും ഒരു ത്രിമാനമായ ഒന്ന്.

കലയുടെ ചരിത്രം തുടങ്ങുന്നത് മനുഷ്യനോടൊപ്പം തന്നെയാണ്.
അത് വികസിച്ച് വന്നതും, അതേ മനുഷ്യന്റെ ഉയര്‍ച്ചകളിലൂടെ, താഴ്ച്ചകളിലൂടെ.
ഇന്ന് കലയും, അതുള്‍പ്പെടുന്ന ഫാഷനും, സംസ്കാരവുമൊക്കെ വലിയ തോതില്‍ മാറ്റങ്ങള്‍ക്ക് വിധേയമാക്കപ്പെട്ടിരുന്നു.
പരമാര്‍ത്ഥത്തില്‍ അതും, കലയുടെ മാറ്റം തന്നെയാണ്.

പറഞ്ഞുവരുന്നത് ഗുഗിളിന്റെ കലയുടെ ലോകത്തെക്കുറിച്ചാണ്,
2011-ല്‍ തുടങ്ങിയ ഗൂഗിള്‍ ആര്‍ട്ട് പ്രോജക്റ്റിന്റെ ഭാഗമായുള്ള ''വി വെയര്‍ കള്‍ച്ചര്‍'' എന്നതിനെക്കുറിച്ചാണ്.
കലയേയും, ഫാഷനേയും, സ്നേഹിക്കുന്നവര്‍ക്ക് ഗൂഗിള്‍ ഒരുക്കുന്ന ചിത്രങ്ങളുടേയും, വസ്ത്രങ്ങളുടേയും, ആഭരണങ്ങളുടേയും, സൗന്ദര്യത്തിന്റേയുമൊക്കെ ഒരു കൂട്ടം ചരിത്രം.
ഓരോ വിഷയത്തേക്കുറിച്ചും, പരന്നതുമാത്രമല്ലാത്ത, ആഴത്തിലുമുള്ള അറിവുകള്‍ ഇവിടെ ലഭ്യമാണ്.
ലോകമെമ്പാടുമുള്ള മ്യൂസിയങ്ങളില്‍ പ്രദര്‍ശിപ്പിച്ചിരിക്കുന്ന വസ്ഥുതകളുടെ ഒരു ഡിജിറ്റര്‍ സംഗ്രഹമാണ് ഇത്.
180-ഓളം സാംസ്കാരിക സംഘടനകളാണ് ഇതിന് ഐക്യദാര്‍ഡ്യവുമായി വന്നിരിക്കുന്നത്.

കലയുടേയോ, അതിന്റെ ഉത്പന്നങ്ങളുടേയോ, തുടക്കത്തേയും, വര്‍ത്തമാനത്തേയും, അന്ത്യത്തേയും കൃത്യമായി വിവരിക്കാന്‍ ഗൂഗിള്‍ ശ്രമിച്ചിട്ടുണ്ട്. ഓരോ ക്ലിക്കുകളും തുറക്കുന്നത് അടുത്ത കാലഘട്ടത്തിലേക്കോ, മറ്റൊരു സംസ്കാരത്തിലേക്കോ ആണ്.
360 ഡിഗ്രി ചുറ്റളവുള്ള ചെറിയ ഡോക്കുമെന്ററികളും, ഓരോ വാതായനങ്ങളിലുമുണ്ട്.
ശരിക്കും ഒരു ത്രിമാനമായ ഒന്ന്.

വി വെയര്‍ കള്‍ച്ചര്‍ ഇന്ത്യയുടെ സംസ്കാരത്തേയും, വസ്ത്രവൈവിധ്യങ്ങളേയും, പ്രദര്‍ശിപ്പിക്കാന്‍ മറന്നിട്ടില്ല.
നമ്മുടെ അലമാറകളിലെ തുണിശേഖരങ്ങളുടെ ചരിത്രം ചിന്തകളില്‍ സ്പഷ്ടമാകുന്നതുപോലെ ചെറുതോ വലുതോ അല്ല.
അത് അനന്തമാണ്.
നാം ധരിക്കുന്നത് അതുതന്നെയാണ് സംസ്കാരവും
അല്ലെങ്കില്‍ നമ്മുടേത് ആ ഒന്നായി മാറുന്നു.
പാര്‍ശ്വവല്‍ക്കരിക്കപ്പെടുന്ന ആദിവാസികളുടേയും, കലാവൈവിധ്യങ്ങളെ, സംസ്കാരത്തെ ഇവിടെ കാണാം.
അവരുടെ ആഭരണങ്ങള്‍ വസ്ത്രങ്ങള്‍ തികച്ചും വ്യത്യസ്ഥമാണ്.
പക്ഷെ അതൊന്നും നമ്മളില്‍ നിന്ന് അവരെ താഴ്ത്തുകയോ, ഉയര്‍ത്തുകയോ ചെയ്യുന്നില്ല.
അവരും നമ്മളിലൊരാള്‍ തന്നെ.