ഉണ്ണികള്‍ക്കും ഒരു ബ്ലോഗ്

#എന്റെസ്ക്കൂള് ‍ ഞങ്ങടെ മലയാളം ക്ലാസ്സ് വളരെ വേറിട്ടതാണ്.ക്ലാസ്സുപോലും ഒരൊഴിഞ്ഞ സ്ഥലത്ത്.അല്ല അവിടേക്കാക്കിയതാ.സൊസ്ഥമായി പഠിപ്പിക്കാന്‍.ഞങ്ങള്‍ക്ക് മലയാളം എടുക്കുന്ന ടീച്ചറുടെ പേരുകൂടെ പറയാം.ഗീത ടീച്ചര്‍. പതിവു പോലെ തന്നേയാണ് ക്ലാസ്സ് തുടങ്ങ ിയത്.ഇന്ന് രണ്ടുപിരീടുണ്ടായിരുന്നു.ഇന്നിനെ പ്രതേകം പറയാന്‍ കാരണം ക്ലാസ്സിലെ രണ്ടുപാഠങ്ങളാണ്. ഇതുവരെ തോന്നിയതില്‍ വെച്ച് നല്ല തോന്നല്‍.പറയാം................. ''അന്നം'' എന്ന ഒന്നാമത്തെ പാഠം.അത് വായിച്ചപ്പോള്‍ തന്നെ ഭക്ഷണത്തിന്റെ മഹത്ത്വം അറിഞ്ഞു.അന്നം എന്ന വാക്കായിരുന്നു അതിന്റെ പ്രധാന കാരണം.ആ പാഠത്തില്‍ അവസാനഭാഗമാണ് എന്നെ കുതുകിയാക്കിയത്.രാജാക്കന്‍മാരുടെ കാലത്ത് കൃഷിക്ക് വളരെയധികം ബഹുമാനം കൊടുത്തിരുന്നു. തരിശിട്ട ഭൂമി അതിലൊരാള്‍ കൃഷിചെയ്താല്‍ അതയാള്‍ക്ക് സ്വന്തം.പിന്നീടയാള്‍ അത് ചെയ്തില്ലെങ്കില്‍ മറ്റൊരാള്‍ക്ക അത് കൊടുക്കുമത്രേ.. വാങ്ങിയിട്ട് അയാള്‍ ചെയ്തില്ലെങ്കില്‍ അയാളിന്‍നേല്‍ ശിക്ഷയുമുണ്ട്.കന്നുകള്‍ മേയുന്ന സ്ഥലത്ത് തീയിട്ടാല്‍ തീയിലിട്ട് കൊല്ലും,വെള്ളം തുറന്നുവിട്ട് പാടം മുങ്ങിയാല്‍ അത്ചെയ്തയാളെ വെള്ളത്തില്‍ മുക്കികൊല്ലും.അങ്ങ...

ചൂടേറെതന്നവന്‍ കടലിലെരിഞ്ഞപ്പോള്‍ ഇരുട്ടു ചിരിക്കും, വെളിച്ചമായി നിലാവും, നിലാനക്ഷത്രങ്ങളും

#വരി #വര വായന, രണ്ടാത്മാക്കള്‍  തമ്മിലുള്ള പ്രണയമാണ്.

#വരി #വര വായന, രണ്ടാത്മാക്കള്‍  തമ്മിലുള്ള പ്രണയമാണ്.

#worldcup ഓ...... ബ്രസീല്‍  ഓ....... നെയ്മര്‍

#വര നിഴല്‍  ജനാലയിലൂടെ പുറത്തേക്ക് എത്തിനോക്കി, പ്രകാശം പരത്തുന്ന  ''ഇരുട്ടുമാത്രം''...

#വരി   #വര   പുളിച്ചിമാവിന്‍ കൊമ്പത്തെ കിളിയമ്മപാടുന്നു ഒരു താരാട്ടു പാട്ട് തെരുവിലെ പട്ടികള്‍ പാടുന്നു  കുഞ്ഞുറങ്ങാന്‍ ഒരു നാള സംഗീതം ഞാനുറങ്ങാന്‍ ഞാന്‍ കേള്‍ക്കുന്നു  അമ്മതന്‍ ''രാരീരം''

ഗോളണ്ട് Holland 5 Spain 1

പഠനപ്രവര്‍ത്തനങ്ങള്‍ക്കിടയില്‍ ഫെയിസ്ബുക്കില്‍ കുറച്ചുനേരം വന്നു പോകുന്നു എന്നു മാത്രം

#ജീവിതം വായിച്ചപ്പോള്‍ ഞാനെത്ര ഭാഗ്യവാനെണെന്ന് മനസ്സിലായി.എന്റെ പഴയ സ്ക്കൂളിലേക്ക് മൂന്നു കി.മി യുള്ളു.പക്ഷെ ഗിരിയുടേത് അങ്ങനെയല്ല. പതിമൂന്നു കി.മി വനത്തിലൂടെ നടന്നാലെ സ്ക്കൂളിലെത്താന്‍ പറ്റുള്ളു.അഞ്ചു വയസ്സുള്ള ഗിരി ഇന്നാദ്യമായി സ്ക്കൂളിലെത്തി.ഏറെ സന്തോഷം. എന്റെ കുഞ്ഞനിയന്..... http://www.thehindu.com/todays-paper/tp-national/tp-kerala/giri-5-goes-to-school/article6077005.ece

രാവിലെ ഓടാന്‍ പോയി.ഉറക്കമെപ്പഴേ ഉണര്‍ന്നു.അപ്പോഴാണ് വീട്ടിലേക്ക് കുറേ ദിവസമായി കാണാതിരുന്ന നായ കുട്ടിയെ കണ്ടത്.ഒപ്പം അവളുടെ സഹോദരനും.വീട്ടിലെ മത്തശ്ശി പട്ടി വീട്ടില്‍കയറാന്‍ സമ്മധിക്കാത്തതുകൊണ്ടാ ലൂസി എന്ന നായ കുട്ടി അവിടേെ ഇവിടേെ നിക്കുന്നത്.അമ്മ പറഞ്ഞ അറിവ് വെച്ച് വീട്ടിലെത്താന്‍ വൈകിയതുകൊണ്ടാണത്രെ. ലൂസി എന്നെ ഓടാനെ സമ്മതിച്ചില്ല.എന്താ സ്നേഹം.കണ്ടിട്ടു കൊറേയായി.അതാ. #രാവിലെ

ലഡ്ഢു കിട്ടുമെന്ന സന്തോഷത്തില്‍ ഞാനിരുന്നു.പക്ഷെ അത് രണ്ടു മുട്ടായിയില്‍ ഒതുങ്ങുമെന്ന് വിചാരിച്ചതേയില്ല

ലഡ്ഢു കിട്ടുമെന്ന സന്തോഷത്തില്‍ ഞാനിരുന്നു.പക്ഷെ അത് രണ്ടു മുട്ടായിയില്‍ ഒതുങ്ങുമെന്ന് വിചാരിച്ചതേയില്ല

പിണങ്ങി,പിണങ്ങി,മഴ ഇണങ്ങി,പിന്നെ ചിണുങ്ങി,ആരവങ്ങളില്ലാതെ......അപ്പോഴാണ് ഞാന്‍ മുഖപുസ്തകമെടുത്ത്(Facebook) എഴുതുന്നത്. വൈകുന്നേരം കാണാമെന്നു കരുതിയതാ, കുറച്ചു വൈകി പോയി.പിന്നില്‍ നിന്ന് തുടങ്ങാം. എന്തന്നില്ലാതെ അഞ്ചുമണിക്ക് അച്ഛന്‍ എണീപ്പിച് ചു.പാതി മുഖം ഉറക്കവുമായി ഓടാന്‍ തുടങ്ങി.അല്ല നടന്നു.വീട്ടിലെത്തിയപ്പോഴേക്കും ഉറക്കം പമ്പ കടന്നു.പിന്നെ ഷട്ടിലുകളിയായിരുന്നു.സ്ക്കൂളിന്റെ ഓര്‍മയേയില്ല.ചായ കുടിക്കാന്‍ പോലും മറന്നു.തിരക്കുണ്ടായിരുന്നില്ല പോകുവാന്‍. ഭക്ഷണവും കഴിച്ച് പട്ടിക്കും,ചെറിയ വീടിനും,വലിയ വീടിനും,പൂക്കളിനും,തുമ്പിക്കുമെല്ലാം റ്റാറ്റാ കൊടുത്ത് വണ്ടിയില്‍ കയറി.എന്നിട്ട് അമ്മയോട് പറഞ്ഞു,ഞാനാദ്യമായി ഒന്പതാം ക്ലാസ്സിക്ക് പോകുകയാ.പിന്നെ യാത്രക്കിടെ ഒന്നും ശ്രദ്ധിച്ചില്ല.വെള്ളവരയിട്ട പാതയിലൂടെ നിശബ്ദമായി പോയി. അങ്ങനെ സ്ക്കൂളെത്തി.കൂട്ടുകാരെ കാണണം.ക്ലാസ്സുകണ്ടെത്തി,രണ്ടുമാസമായി കാണാതിരുന്ന കൂട്ടുകാരേയും,കാരികളേയും കണ്ടു. അസംബ്ലിയില്‍ സമ്മാനദാനം കുറേ നേരമുണ്ടായിരുന്നു.പത്താം ക്ലാസ്സില്‍ എ+ നേടിയവര്‍ക്ക് ഒരോരുത്തവരുടെ വകയായിരുന്നു.അങ്ങനെ അതും കഴി ഞ്ഞു.ലഡ്ഢു കിട്ടുമെന്ന സന്തോഷത്തില്‍ ഞാനി...

ഇന്ന് സ്ക്കൂളു തുറക്കുകയല്ലെ.ഇനി എന്തായാലും എന്റെ പഴയ സ്ക്കൂളിലേക്ക് പോകുവാന്‍ കഴിയില്ല.അതുകൊണ്ടാ ഒന്നോര്‍മ പുതുക്കാന്‍ ഇന്നലെ ആങ്ങോട്ടു പോയത്.മാമന്‍മാര്‍ക്കും ഇങ്ങനത്തെ അനുഭവങ്ങള്‍ ഉണ്ടാവുമല്ലോ?എനിക്കതറിയാന്‍ ആദിയായിട്ടു വയ്യ.പറഞ്ഞുതരുമല്ലോ. പിന്നെ ഇത്തരം ഓര്‍മകളുടെ ''തീരം'' മാമന്‍മാര്‍ മുന്‍കൈയ്യെടുത്ത് ഒരു സംഘം(group)ക്രിയേറ്റ് ചെയ്തുകൂടെ. അപ്പോള്‍ സ്ക്കൂളിലേക്ക് പോകാന്‍ എനിക്ക് സമയമായി.വൈകുന്നേരം കാണാം...............

Sajjive Balakrishnan   പ്രിയപ്പെട്ട അഭിജിത്............................................................................. വരയും വരിയും സമാസമം ചേർത്ത് നല്ല ഭാഷയിൽ നിസ്സാരങ്ങളല്ലാത്ത കാര്യങ്ങളെക്കുറിച്ചും തന്നെത്തന്നെ രസകരമായി വിലയിരുത്തിയും മലയാളത്തിൽ ടൈപ്പ് ചെയ്ത് ഇങ്ങനെ ചേർക ്കുന്ന ചെറുകുറിപ്പുകൾ ആയിരുന്നു കേരള ബ്ലോഗ് അക്കാദമിക്കും ( http://keralablogacademy.blogspot.in/ ) കേരള കാർട്ടൂൺ അക്കാദമിക്കും കുട്ടികളുടെ ക്യാമ്പുകളിൽ എപ്പോഴും നിർദ്ദേശിക്കാനുണ്ടായിരുന്നത്. പക്ഷെ , അവയൊന്നും വേണ്ടത്ര ഫലിച്ചില്ല എന്ന് ഇപ്പോൾ തോന്നുന്നു. എന്റെ മകനോടും വർഷങ്ങളായി ഞാനിതുതന്നെ പറഞ്ഞുകൊണ്ടിരിക്കുന്നു. അവൻ ചെറിയ വിജയങ്ങൾ എനിക്കു സമ്മാനിക്കും, ചിലപ്പോഴെങ്കിലും. ............................ ................................................................................................................................. അവിടെയാണ് അഭിജിത്തിന്റെ ഈ ശ്രമം എനിക്കൊക്കെ വലിയ ആഹ്ലാദം തരുന്നത്. പ്രസന്നമായ വരയും, സഭ്യമായ ഭാഷയും ഹാസ്യവും ചേരുമ്പോൾ ബഹുരസം ! ഇന്നലെ ഞാൻ പാണ്ടിയെപ്പറ്റിയുള്ള പോസ്റ്റ് എന്റെ മകൻ സിദ്ധാ...

ദയാ ബായിയേ കുറിച്ചാണ് ഞാനിന്ന് വായിച്ചത്,ചിന്തിച്ചത്,നൊമ്പരപ്പെട്ടത്.മറ്റുള്ളവരെ കുറിച്ച് നൊമ്പരപ്പെടുന്നവരെ കുറിച്ച് നമ്മളെന്തിന് നൊമ്പരപ്പെടണം എന്നാണ് അച്ഛന്‍ പറഞ്ഞത്.അമ്മ ഇപ്പോഴും ആകുലതയോടെ ദയാബായിയെ കുറിച്ച് വായിച്ചുകൊണ്ടിരിക്കുകയാണ്

എന്റെ സ്ക്കൂളിലുമുണ്ട് ഇങ്ങനത്തെ കൂട്ടുകാര്‍

ഇന്ന് രാവിലെ പത്രത്തിന്റെ വെള്ള താളുകള്‍ തുറന്നപ്പോള്‍ കണ്ടത് ഇരുട്ട് നിറഞ്ഞ ജീവിതങ്ങളായിരുന്നു. എടുത്തു പറയാനൊന്നുണ്ട്.എന്നേക്കാള്‍ രണ്ടു വയസ്സ് മൂപ്പുള്ള എന്റെ ചേച്ചിമാരെ ഞാന്‍ കണ്ടത്,മരത്തണലിലെ രണ്ടു കൊമ്പുകളിലായി തുണ്ടു കയറുകളും,കുരുങ്ങ ിയ കഴുത്തുകളുമായായിരുന്നു.ചുറ്റും മറ്റു ജനങ്ങളും.അതിന്റെ ലേഖനം വായിച്ചപ്പോള്‍ ഉത്തര്‍ പ്രദേശത്ത് പീഡനത്തിന് ഇരയായവര്‍ ഈ രണ്ടു ചേച്ചിമാര്‍ മാത്രമല്ലെന്ന് മനസ്സിലായി.ഇരുട്ടില്‍ മറഞ്ഞുനിന്ന് മുടിയിഴകള്‍ പിന്നിലോട്ട് വലിക്കുന്നവര്‍.അവരായിരുന്നു എന്റെ ചേച്ചിമാരെ കൊന്ന് കെട്ടിതൂക്കിയത്.എല്ലാത്തിനും ആ പച്ച മരം സാക്ഷി.പക്ഷെ ആ പച്ച എപ്പഴേ കറുത്തിരുന്നു..........

രാവിലെ പല്ലുപോലും തേച്ചിട്ടില്ല.അപ്പോഴായിരുന്നു അമ്മയുടെ വിളി.പാണ്ടിയെ കറക്കാന്‍.അതുതന്നെ വീട്ടിലെ ഒരാട്.കുട്ടുന്നഴിച്ചുവിട്ടതും, അവള്‍ പമ്മി,പമ്മി അടുക്കളയിലെത്തി.അമ്മയവിടെ കഞ്ഞീന്റെവെള്ളം വെച്ചിട്ടുണ്ടായിരുന്നു.അവള്‍ അത് രുചിയോടെ കുടിച്ചു.അപ്പോള്‍ തക്കം നോക്കി അമ്മ പാലു കറന്നു.കുട്ടിക്കൊന്നും പാണ്ടി കുടിക്കാന്‍ കൊടുക്കുന്നില്ല.പിന്നെ അകിടു വീങ്ങണ്ടാന്ന് കരുതി കറക്കുന്നതാ.ആട്ടിന്‍ പാലല്ലേ. നല്ല ഔഷധഗുണമുള്ളതല്ലേ. #രാവിലെ

#സംശയം രാത്രിയാണ്.നല്ല മഴയും,ഇടിയും.അപ്പോഴാണ് എനിക്ക് രണ്ടു സംശയങ്ങള്‍ മുഴക്കത്തോടെ വന്നത്. 1.ചെരുപ്പിടാത്ത മൃഗങ്ങള്‍ക്ക് ഷോക്കേള്‍ക്കുന്നുണ്ടോ?പാമ്പും,ചിതലും പുറ്റുകളിലല്ലേ താമസം.എന്നിട്ടുമവര്‍ക്ക് ഷോക്കേല്‍ക്കുന്നില്ലല്ലോ.? 2''.ഇടി''ഭൂമിയിലേക്ക് ഡിസ്ചാര്‍ജ്ജ് ചെയ്യുമ്പോള്‍ ഇലക്ട്രോണുകള്‍ ഭൂമിയുടെ എവിടേക്കാണ് പോകുന്നത്?

ആലിലക്ക് ഒരേയൊരു സങ്കടമേയുള്ളൂ എന്നെയിങ്ങനെ വരച്ചിടല്ലേ എനിക്കു പറക്കണം.

''ഒന്നും വെറുതെയാകരുത് പ്രയോജനപ്പെടുത്തണം'' അങ്കണം സാസംസ്കാരിക വേദിയുടെ ക്യാമ്പിനെ പോകുകയാണെന്ന് അറിയിച്ചുകൊണ്ട് ഞാനെഴുതിയിട്ടുണ്ടായിരുന്നു.ഇന്ന് പോയി വന്നിരിക്കുകയാണ്.പറയനേറെയുണ്ട്.അപ്പോ,തുടങ്ങട്ടെ. ബസ്സിലെ യാത്രയുടെ ക്ഷീണം ക്യാമ്പിലെത്ത ിയപ്പോള്‍ ഉണ്ടായിരുന്നില്ല.അപരിചിതമായ അന്തരീക്ഷം.അപ്പോഴാണ് എന്റെയൊരു പ്രായക്കാരന്‍ വന്നത്.പെട്ടെന്ന് പരിചയപ്പെട്ടു.കാളിദാസ് എന്ന് പേര്.എല്ലാവരും മുതിര്‍ന്നവരായിരുന്നു.അങ്ങനെ എല്ലാവരും എത്തിചേര്‍ന്ന് തുടക്കമായി.ആദ്യം ഉദ്ഘാടനമായിരുന്നു. വൈകുന്നേരമാണ് തുടങ്ങിയതുകൊണ്ട് പെട്ടെന്ന് രാത്രിയായി.ഇടക്ക് ക്ലാസ്സുകളും ഉണ്ടായിരുന്നു.ആദ്യം തന്നെ ചെയര്‍മാന്‍ ഷംസുദ്ധീന്‍ മാഷ് ''ഒന്നും വെറുതെയാകരുത് പ്രയോജനപ്പെടുത്തണം'' എന്ന് പറഞ്ഞു.ആരോടാണെങ്കിലും മുഖത്തുനോക്കി പറയുന്ന പ്രകൃതമായിരുന്നു മാഷിന്.അതാണെനിക്ക് ഇഷ്ടപ്പെട്ടത്.രാത്രിയായപ്പോള്‍ കുളിച്ച് മറ്റൊരു ക്ലാസ്സുണ്ടായിരുന്നു.ഒപ്പൊം മറ്റൊരു കൂട്ടുകാരനും.ഗ്ലാഡ്വിന്‍ പോള്‍. പക്ഷെ അവന്‍ രാത്രിയായതും പോയി.നാളെ തങ്ങുമെന്ന് പറഞ്ഞ്.ക്ലാസ്സ് സുസ്മേഷ് ചന്ത്രോത്തിന്റേതായിരുന്നു.വളരെ നല്ല ക്ലാസ്സ്...

കാലം ബാക്കിവെച്ച നൊമ്പരം മരം

നാളേക്കു വേണ്ടി ഇന്നലക്ളെ സൂക്ഷിക്കുന്ന  ഗര്‍ഭപാത്രം വിത്ത്.

അന്ന് ഞാന്‍ വിജ്ഞാനോല്‍സവത്തില്‍ പങ്കെടുത്തപ്പോള്‍ അവിടെയെനിക്ക് ഏറെ ഇഷ്ടപ്പെട്ടത് ഒരു ചേട്ടനേയാണ്.കാരണം ആ ഏട്ടന്‍  വളരെ വേഗത്തില്‍ റബിക്സ്ക്യൂബ് പൂര്‍ത്തിയാക്കി.അന്നാദ്യാണ് ഞാനത് നേരില്‍ കാണുന്നത്.അപ്പോള്‍ തന്നെ ആവേശഭരിതനായ ‌ഞാന്‍ ചെയ്തു  നോക്കി.പക്ഷെ കിട്ടിയില്ല.ക്യാമ്പ് തരുമ്പോഴും എന്റെ മനസ്സില്‍ അതുതന്നേയായിരുന്നു.വീടെത്തി.വേഗം തന്നെ നെറ്റ് എടുത്ത് ചെയ്യേണ്ട വിധം നോക്കി.പലരീതികളുണ്ടായിരുന്നിട്ടും ഒന്നും മനസ്സിലായില്ല.പാതിവഴിയില്‍ ഞാനത് ഉപേക്ഷിച്ചു. പിനനീട് റബിക്സ് ക്യൂബിനെ കുറിച്ചുള്ള വിവരങ്ങള്‍ തേടുകയായിരുന്നു. ആറുമുഖങ്ങളുള്ള ക്യൂബിന് ആറ് നിറങ്ങള്‍.പക്ഷെ മനുഷ്യരില്‍ ആറുമുഖവും,നിറവുമല്ല എണ്ണിതീരാത്തത്ര.ആരവരുടെ നിറം ഒന്നാക്കുന്നോ അവന്‍ വിജയി.റബിക്സ് ക്യൂബിന് ആറ് മുഖങ്ങളും,നിറങ്ങളുമുണ്ടെങ്കിലും മനുഷ്യന്റെ നിറം ഒന്നുതന്നേയാണ്.അതറിയാന്‍ ശ്രമിക്കാത്തവര്‍ പല മതനേതാക്കളും,തല്‍സ്വഭാവികളും.നിര്‍ഭാഗ്യവശാല്‍ ഇവരാണ് കൂടുതല്‍. റബിക്സ് ക്യൂബിന് നാല്‍പ്പതാം ജന്‍മദിനാശംസകള്‍.

'ആ കടക്കലായിരുന്നു ഒരു വര്‍ഷം.'' നാളെ സ്ക്കൂളു തുറക്കുകയാണ്.കാത്തിരിക്കുകയാണെന്ന് ഞാന്‍ പറയില്ല.കാരണം ഞാനും കുട്ടിയല്ലേ.എന്തായാലും എന്റെ പഴയ സ്ക്കൂളുവിട്ട് പുതിയ സ്ക്കൂളിലേക്ക് എത്തിയിട്ട് മൂന്നു വര്‍ഷമായി.ഇപ്പോള്‍ പഴയതു പോലെയൊന്നുമല്ല കൊറ േ മാറ്റങ്ങള്‍ വന്നുചേര്‍ന്നു.എന്നാലും എനിക്ക് പഴയ സ്ക്കൂളു തന്നെയാ ഇഷ്ടം.വരാന്തയില്‍ ഒരുമിച്ചിരുന്ന് കഞ്ഞി മോന്തുമ്പോള്‍ എന്താ രുചി.കറുത്തിരുണ്ട കൊച്ചു മുറിയായിരുന്നു കഞ്ഞിപുര. പുക മാത്രം.പക്ഷെ ആ പുകയായിരുന്നു ചോറിന് എരുവും,പുളിയുമെല്ലാം.ഇപ്പോള്‍ പെയിന്റടിച്ച് വെള്ളയായിട്ടുണ്ട്.കുട്ടികളുടെ കുത്തികുറു പ്പുകള്‍ ഏറ്റുവാങ്ങിയ ചൊമരിപ്പോള്‍ കുറേ നിറങ്ങള്‍ മാത്രമായി.എല്ലാവടേയും അടുക്കും ചിട്ടയും.എന്നാല്‍ അവിടത്തെ മരങ്ങള്‍ക്കും, കുട്ടികളുടെ ഓട്ടത്തിനും ചാട്ടത്തിനും കുറവില്ലായിരുന്നു.അപ്പോഴും എന്റെ മനസ്സിലുണ്ടായിരുന്നത്,നാലാം ക്ലാസ്സിലെ ഒരു കൂട്ടുകാരന്‍, തൊട്ടപ്പുറത്തെ അഞ്ചാം ക്ലാസ്സിലേക്ക് നോക്കി താനും ഇനി ഹിന്ദി പഠിക്കേണ്ടേ എന്നോര്‍ത്ത് വിഷമിക്കുകയായിരുന്നു.ആ കൂട്ടുകാരന്‍ ഞാന്‍ തന്നെ കേട്ടോ...... അവിടെ നാലിനും,അഞ്ചിനും ഒരു തട്ടികയുടെ വെത്യാസമേ...

അവധിക്കാലം തുടങ്ങിയപ്പോള്‍ കുറേ ചിത്രം വരക്കാനെന്നാഗ്രഹിച്ചതാ.പക്ഷെ പല കാരണങ്ങളാലും അതു മുടങ്ങി.പിന്നെ ക്ഷമകെട്ടപ്പോള്‍ വരക്കാന്‍ ഒരു ബോര്‍ഡുണ്ടാക്കിതരാനും പറഞ്ഞു.അതും നടന്നില്ല.അവസാനം അത് ഞാന്‍ തന്നെ ഉണ്ടാക്കി.ഞാന്‍ തന്നെ വരച്ചു.ബോര്‍ഡുണ ്ടാക്കുവാന്‍ ഏട്ടനും സഹായിച്ചു.മൂന്നു നാള്‍ ബാക്കിനില്‍ക്കുമ്പോള്‍ വരച്ചു കഴിയാന്‍ ഏറെ.സ്ക്കൂള്‍ തുറന്നാല്‍ വരക്കുമോ ആവോ... ഒന്പതാം ക്ലാസ്സിലേക്കാണ്.പിന്നെ പത്തിക്കും.ഇനി വരാന്‍ പോകുന്നതിനേ കുറിച്ച് എനിക്ക് ആശങ്കയില്ല.ഇപ്പോഴെന്താണു നടക്കാന്‍ പോകുന്നു.എന്നതാണെന്റെ ആശങ്ക.ബോര്‍ഡ് തയ്യാറാക്കിയപ്പോള്‍ എന്റെ സന്തോഷം വലുതായിരുന്നു.ഈ മൂന്നു ദിവസമെങ്കിലും ഒന്ന് സന്തോഷത്തോടെ വരക്കട്ടെ.....................കുന്നും മേടും കടന്ന്...................സ്വപ്നങ്ങളിലൂടെ #അവധിക്കാലം

#രാവിലെ രാവിലെതന്നെ ചക്കതീറ്റതുടങ്ങി.ഇന്നലെ ചക്കയുടെ മണം ഇങ്ങോട്ടെത്തിയിരുന്നു.ഞങ്ങളെ മാടിവിളിച്ച്.രുചിക്കും,മണത്തിനും ഒരേ രുചി. കഴിച്ച് തുടങ്ങിയപ്പോള്‍ മണം പിടിച്ച് വന്നു.സൂസി എന്ന പട്ടിയും,തുമ്പിയാട്ടിന്‍കുട്ടിയും,കരിമി കോഴിയും കുട്ട്യോളു ം,പിന്നെ ചാത്തനും. എല്ലാവര്‍ക്കുംചക്ക ഇഷ്ടപ്പെട്ടു.കുരു മാറ്റിയിടാന്‍ അമ്മ ഇടക്കിടക്ക് ചീത്തയും പറഞ്ഞു.എന്തായാലും പ്രഭാതത്തില്‍ തന്നെ ചക്ക കഴിച്ച് അത് ചക്കയോളം സ്വപ്നങ്ങളുള്ളതായി.''മധുരിക്കുന്ന സ്വപ്നങ്ങള്‍''

#ഡയറി ഇന്ന് എന്നത്തേയും പോലെ വൈകിയെണീച്ചു.രാത്രിയിലെ ക്ഷീണം രാവിലെയായിരുന്നു.ആദ്യം തന്നെ ഓടാന്‍ പോയി.എപ്പഴും കണ്ടതുതന്നെ ഇപ്പഴും.പക്ഷെ ഇന്ന് ഒന്ന് വെത്യസ്ഥമായി കണ്ടു.സാധാരണംആണെങ്കിലും എനിക്കത് പുതുമയായിരുന്നു. ആദ്യംതന്നെ യാത്രക്കിടക്ക് ഇരുട്ടില്‍ മറഞ്ഞിരിക്കുന്ന പൂച്ചയെയാരുന്നു ഞാന്‍ കണ്ടത്.പിന്നെ തിരിച്ചുവരവില്‍ കറുത്തയൊരു നായക്കുട്ടിയും. ഇരുട്ടില്‍ മറഞ്ഞ രണ്ടു ശത്രു.

#വരി എന്നിലൊ രായിരംരക്തതുള്ളികള്‍ അലഞ്ഞുതിരിയുന്നു. എന്നിട്ടും,ഞാനൊരു മൂലയില്‍ ടീവിയുടെ പാളിയില്‍.