-
വിനീത ചേച്ചിയുടെ ഒരു കവിത
ഞാനൊരു വലിയ കടക്കാരിയാണ്
ഞാനൊത്തിരി കടങ്ങള്‍
വാങ്ങികൂട്ടിയിരിക്കുന്നു.
അതിന്റെ പലിശപോലും
അടച്ചുതീര്‍ത്തിട്ടില്ല.
കാലാവധി വിധിക്കുന്നത്
ആയുര്‍ദൈര്‍ഘ്യമാണ്.
ഞാനേറ്റവും കടമെടുത്തിരിക്കുന്നത്
അമ്മയില്‍ നിന്നാണ്.
സ്വഭാവം; അതാണ് വലിയ കടം.
ചിലര്‍ പറയുന്നു,‌ അമ്മയുടെ മുഖവും
ഞാന്‍ കടമെടുത്തിരിക്കുകയാണെന്ന്.
അതെന്തായാലുമല്ല.
അതെന്റെ മുതലാണ്.
കുറച്ച് അച്ഛനില്‍ നിന്നും
പലിശയില്ലാതെടുത്തിട്ടുണ്ടെങ്കിലും.
പിന്നെ ചിരി.
അതൊരു പരസ്യത്തില്‍നിന്നും
കടമെടുത്തതാണ്.
അവര്‍പോലും അറിഞ്ഞിട്ടില്ല
ഞാന്‍ വാങ്ങിയകടമെത്രയാണെന്ന്.
മനസ്സിലൊളിച്ചിരിക്കുന്ന
ഒരുപാട് രാക്ഷസി കഥകള്‍
അതെന്റെ മുത്തശ്ശി തന്നതാ.
അവര്‍ക്ക് മുതല്‍പോലും
മടക്കിനല്‍കേണ്ടത്രേ.
പിന്നെ,പൂക്കളോടുള്ള
ഈ അമിത പ്രണയം
എന്റെ ആന്റി സമ്മാനിച്ചതാ.
ആന്റിക്കതിന്റെ മുതലും പലിശയും
കൃത്യമായി തിരിച്ചു നല്‍കണം.
വായനയോടും, സംഗീതത്തോടുമുള്ള
അഭിനിവേശം
എനിക്കെന്റെ ടീച്ചര്‍ തന്നതാ.
ഇന്ററസ്റ്റായി അവര്‍ക്ക്
സ്നേഹം മാത്രം മതിയത്രേ.
പക്ഷെ, ആരും ചോദിച്ചിട്ടില്ലെങ്കിലും
മുതല്‍ തിരിച്ചു ല്‍കണം.
അതെല്ലാം ഞാന്‍ നിക്ഷേപിച്ചിട്ടുണ്ട്.
എന്റെ മനസ്സെന്ന ബാങ്കില്‍
ഫിക്സഡ് ഡെപ്പോസിറ്റായി.
മുതലും പലിശയം കൂട്ടുപലിശയും
ചേര്‍ത്തിനി വരുന്നവര്‍ക്ക് നല്‍കാം.
അതാരും കൊള്ളയടിച്ചില്ലെങ്കില്‍.
ചേച്ചി മരിച്ചിട്ടാണ് ചേച്ചിയുടെ കവിത വായിക്കാന്‍ കഴിഞ്ഞത്.
വലിയ നഷ്ടബോധം തോന്നുന്നു.
ചേച്ചിയുടെ കു‍ഞ്ഞുപുസ്തകം ആരുടേയെങ്കിലും കൈയ്യിലുണ്ടെങ്കില്‍ അയച്ചുതരാമോ...

Comments

Post a Comment

Popular posts from this blog

-
) പണ്ട് പണ്ട്, പാലക്കാട്ടില്‍ മെച്ചോട് എന്ന് സ്ഥലമുണ്ടായിരുന്നു. കുറേ മരങ്ങളും, അതിലേറെ കുന്നും, നിറഞ്ഞ മെച്ചോട്. 2) ഒരിക്കല്‍ അവിടേക്ക് കുറച്ച് വീട്ടുകാര്‍ വന്നു. അവരവിടെ താമസമാക്കി. ചുറ്റും, കാടും, മേടും, വെളിച്ചവുമുള്ളൊരിടം. വീണ്ടും അവിടേക്ക് കുറച്ചുകൂടി താമസക്കാരെത്തി. 3)അങ്ങനെ പതിനൊന്ന് വീട്ടുകാര്‍. അരികിലെ പുഴ നിറഞ്ഞൊഴുകുന്നുണ്ട്. അപ്പുറത്തെ കിണര്‍ കവിഞ്ഞും. 4)വര്‍ഷങ്ങള്‍ കടന്നു. 5)താമസക്കാരുടെ എണ്ണം കൂടി. മുത്തശ്ശി,മുത്തച്ഛനും, അച്ഛനും, അമ്മയും, മക്കളും, പേരക്കുട്ടികളും അങ്ങനെ മെച്ചോട്ടിന് താങ്ങാവുന്നതിലും അപ്പുറം. 6)അവിടെ വലിയൊരു റോഡ് വന്നു. അടുത്ത് വലിയൊരു ആശുപത്രി, ഷോപ്പിംഗ് മാള്‍, പിന്നെ ഒരു റിസോര്‍ട്ടും. ഇപ്പോള്‍ മരങ്ങളേയും, കുന്നുകളേയും, എങ്ങും കാണാനില്ല. 7)ഓടകള്‍ നിറഞ്ഞു, മാലിന്യങ്ങള്‍ കുന്നുകൂടി. മഴകിട്ടാതായി. പുഴ വറ്റി. കിണറും. 8)മെച്ചോട്ടിലെ പത്തു വീട്ടുകാരും പുറത്തേക്ക് നഗരത്തിലേക്ക് പോയി. ഒരൊറ്റ വീട്ടുകാര്‍ മാത്രം അവിടംതന്നെ ഇരുന്നു. 9)പുറത്ത് ചൂട് അസഹനീയമായിരുന്നു. തിരക്കും കൂടുതലാണ്. ആകാശമില്ലായിരുന്നു, പുകകൊണ്ട് മറ‍ഞ്ഞിരുന്നു. 10)വെള്ളമില്
Read more
-
Image
എന്റെ കമ്പ്യൂട്ടറിന് എന്റെ ഭാഷ. ഇത് സ്വതതന്ത്ര മലയാളം കമ്പ്യൂട്ടിങ്ങിന്റെ ഉദ്ദേശ്യമാണ്. അതൊന്ന് എന്റെ നാട്ടില്‍ മനോജ് മാമന്‍ ഒരുക്കുകയാണ്. കാത്തിരക്കേണ്ടതില്ല. ആ ദിവസം ഇങ്ങോട്ട് ഓടിയെത്തിയിട്ടുണ്ട്. നാളെ പരിപാടി തുടങ്ങും. സന്തോഷത്തോടെ.... അക്കരസ്ക്കൂള്‍,സമയം പത്ത് മണി.
Read more